Вода за сите!
Денес, кога се одбележува Светскиот ден на водата, Македонскиот центар за меѓународна соработка (МЦМС) ги споделува постигнувањата од секторот водоснабдување.
Правото на здрава вода за пиење е предуслов на правото за живот, правото на храна, правото на здравствена заштита и правото за домување.
Главните активности во оваа област МЦМС ги спроведуваше во периодот од 1994 до 2005 година, а заврши со водоснабдувањето во 2010 година. Според Државниот завод за статистика, во 2005 година 93% од населението во Македонија имало пристап до безбедна вода за пиење, а 63% приклучок во домовите.
МЦМС, обезбедувајќи вода за повеќе од 260 села во Македонија, значајно придонесе за таквата состојба.
